ROOSNA
AW HMELTHA!
Khawthlang lamah ni chu her liam mai tumin suk chen velah a inkhai lung lung tawh a. Chutih lai chuan Samthang tlangval hmeltha leh zaithiam,nula ten an star rawn chuan ngaihtuah bing tih hriat tak maiin ni tla mek lam chu athlir a,amah chuan a phun leh sep thin a! A rilru chu a buai a ni.
Engvang in nge siamtu hian hnam hrang hrang hi hnam khat a min lo siam mai loh le;'ti nge Sap,Mizo,Vai tih te hi kan lo awm hran le, Mizo lo nih vek mai awm! Ni,he Samthang tlangval hi a rilru a buai a ni! Mizo nula tamtak amah ngaisang tu leh duhdertu an awm lai a,Mizo nula pawh nilo,anpai (Gorkhali) nula (Roosna-i)zunah a uai a,a uai satliah mai a ni lo,chu zun chuan a hnam phatsan na lam kawngah a hruai mek a ni. Kawng diklo a zawh tih hre mahse Roosna-i a duhna chuan a sal bet tlat tawh a,a buai takzet tawh a ni.
Zofa zaleng lanu hei zawng awm a,
Suihlung min dum zo tur reng awm ve maw?
Thlangkawr vai lanu,sakhmel duhaisam,
Aw a cham tanglai an maw!
Tuar i har lua ka ti,Roosna aw Hmeltha,
Suihlung min dum zo ngei mai!
I hmangaihna zun,rimtui leng vel hian,
Min zem ka tanglai an maw.
Roosna-i zun chuan hrui lovin a thlung a,a hnuk a,a tawpah chuan hmangaihna lipui ah chuan a hruai lut a. A duhna leh hmangaihna a nasat em avang chuan hmu lova ni khat lek awm pawh harsa a ti a. In hmu turin hmun leh hun remchang an zawng zel a,an hmu zel bawk a. Mizo nula ang lo tak a a hmai fang invuah leh a hnar ngul mawi leh nalh tak mai te chu a thlir ning thei thin lova,Aizawl a piang leh seilian ah chuti ang em a duhawm an piang thei in a ring ngai lo bawk. Chuti ang chuan hlim takin hun han hmang thinin,hmangaihna vawrtawp pawh thleng hial thin mahse an sut chim zawh loh tur bang chu an karah a ding vung a,maimitchhin san mahse a fiah telh telh tho si,mangan thlak tak tur chu a ni.
Zawlkhawpui ah mim ang lo piang mahla,
Zofa sakhmel reng i chawi ve si lo.
In 'di' mah ila,nang nen runhmun len,
Aw a rem thei dawn silo.
Ni,an induh leh hmangaihna chu nasa viau mahse vawi tam pawh in 'di' mahse an kar a bang lian leh hrawl tak chu an su tlang zo chuanglo ang. Buai leh rilru mangang a patling hui dap dap na tham chu a tling reng a ni. Roosna-i nu leh pa hian an inzui leh an inkawp hi han hre phei se chu an fanu nunna tan pawh hian a hlauhthawn awm thei hial ang. Mahse, chuti chung chuan Mizo tlangval leh Anpai (Gorkhali) nula chuan chhungte hriat lohin Zawlkhawpui dungleh vangah Hmangaihna chu an lo chen dun thin a ni.
I chun leh zua ten engtin ngai ang maw,
Nang nen suihlung kan rual lai ni zawng te,
Sul ang a kan inzui hi hria se aw,
Tuar thiam hian ka ring theilo.
Khawthlang lamah ni chu her liam mai tumin suk chen velah a inkhai lung lung tawh a. Chutih lai chuan Samthang tlangval hmeltha leh zaithiam,nula ten an star rawn chuan ngaihtuah bing tih hriat tak maiin ni tla mek lam chu athlir a,amah chuan a phun leh sep thin a! A rilru chu a buai a ni.
Engvang in nge siamtu hian hnam hrang hrang hi hnam khat a min lo siam mai loh le;'ti nge Sap,Mizo,Vai tih te hi kan lo awm hran le, Mizo lo nih vek mai awm! Ni,he Samthang tlangval hi a rilru a buai a ni! Mizo nula tamtak amah ngaisang tu leh duhdertu an awm lai a,Mizo nula pawh nilo,anpai (Gorkhali) nula (Roosna-i)zunah a uai a,a uai satliah mai a ni lo,chu zun chuan a hnam phatsan na lam kawngah a hruai mek a ni. Kawng diklo a zawh tih hre mahse Roosna-i a duhna chuan a sal bet tlat tawh a,a buai takzet tawh a ni.
Zofa zaleng lanu hei zawng awm a,
Suihlung min dum zo tur reng awm ve maw?
Thlangkawr vai lanu,sakhmel duhaisam,
Aw a cham tanglai an maw!
Tuar i har lua ka ti,Roosna aw Hmeltha,
Suihlung min dum zo ngei mai!
I hmangaihna zun,rimtui leng vel hian,
Min zem ka tanglai an maw.
Roosna-i zun chuan hrui lovin a thlung a,a hnuk a,a tawpah chuan hmangaihna lipui ah chuan a hruai lut a. A duhna leh hmangaihna a nasat em avang chuan hmu lova ni khat lek awm pawh harsa a ti a. In hmu turin hmun leh hun remchang an zawng zel a,an hmu zel bawk a. Mizo nula ang lo tak a a hmai fang invuah leh a hnar ngul mawi leh nalh tak mai te chu a thlir ning thei thin lova,Aizawl a piang leh seilian ah chuti ang em a duhawm an piang thei in a ring ngai lo bawk. Chuti ang chuan hlim takin hun han hmang thinin,hmangaihna vawrtawp pawh thleng hial thin mahse an sut chim zawh loh tur bang chu an karah a ding vung a,maimitchhin san mahse a fiah telh telh tho si,mangan thlak tak tur chu a ni.
Zawlkhawpui ah mim ang lo piang mahla,
Zofa sakhmel reng i chawi ve si lo.
In 'di' mah ila,nang nen runhmun len,
Aw a rem thei dawn silo.
Ni,an induh leh hmangaihna chu nasa viau mahse vawi tam pawh in 'di' mahse an kar a bang lian leh hrawl tak chu an su tlang zo chuanglo ang. Buai leh rilru mangang a patling hui dap dap na tham chu a tling reng a ni. Roosna-i nu leh pa hian an inzui leh an inkawp hi han hre phei se chu an fanu nunna tan pawh hian a hlauhthawn awm thei hial ang. Mahse, chuti chung chuan Mizo tlangval leh Anpai (Gorkhali) nula chuan chhungte hriat lohin Zawlkhawpui dungleh vangah Hmangaihna chu an lo chen dun thin a ni.
I chun leh zua ten engtin ngai ang maw,
Nang nen suihlung kan rual lai ni zawng te,
Sul ang a kan inzui hi hria se aw,
Tuar thiam hian ka ring theilo.
No comments:
Post a Comment